Tling tur leh tla tur chiang lo

RFL Plastics MFA Futsal League-ah round hnuhnung ber chauh khelh tur a awm tawh nachungin group B-ah quarterfinal lut tur a la hriat kim lo a, tla tur la hriat lo bawk.

Armed Veng South-in knockout stage lut tawh awmchhun ni turin Ramthar Veng chu 8-2 in an hneh a, AVS hian quarterfinal lut tawh mah se hmahruaitu erawh an la ni chiang lo. Dintharin an elpui Ramhlun Venglai 4-2 a an hneh avangin an dinhmun a ṭha chho a, amaherawhchu Dinthar hian match hnuhnung berah anmahni ang bawka harhtharna chang Ramhlun South an hmachhawn dawn.

Ramhlun South hian Laipuitlang chu 5-2 in an hneh a, he result hian round hnuhnung ber inkhel a tihmuh­nawm sawt dawn. Laipuitlang hian season bul ṭan ṭha Ramhlun Venglai an khelhpui dawn a, January 31 zan match hmasa ber an khelh dawn avangin quarterfinal beisei nei ve vein an khel ang.

Table mawngphaha awm Ramhlun North-in Durtlang 2-5 in an hneh lo a, amaherawhchu Futsal League khel turin beiseina an nei. Ramhlun North hian match hnuhnung berah Ramthar Veng an hmachhawn dawn a, an chak chuan Ramthar Veng zawk hi relegate tur an ni.

ROUND 6 - January 26, Zirtawpni
Armed Veng South 8 - 2 Ramthar Veng
AVS : Lalnunsanga Hnamte 1', 16', 20'; Laldinpuia 7', 31'; Darthanmawia 24'; Laldawngliana Colney 29'; J. Lalbiakliana 45'
RAM : R. Lalrintluanga 34'; C. Lalrintluanga 49'
Dinthar 4 - 2 Ramhlun Venglai
DIN : Hualsangzuala 36', 38'; Lalhriatpuia 42'; Lalṭanpuia Ralte 50'
RVL : Lallawmzuala 3'; C. Lalrinsanga12'
Ramhlun North 2 - 5 Durtlang
RNH : Vanlalmawia 3'; Riri Vanlalngaihawma 10'
DUR : PC Lalhruaitluanga 15', Lalchungnunga 18',49', Lalfelkima 19', 37'
Laipuitlang 2 - 5 Ramhlun South
LAI : Lalbiakhlua 5', JH Lianzuala 44'
RSH : Lalremruata 4'; Malsawmfela 16', 20'; Lalnunmawia 28', 49'
Round 7 - January 31, Nilaini
6:00 PM Ramhlun Venglai vs Laipuitlang
7:10 PM Ramhlun South vs Dinthar
8:20 PM Ramthar Veng vs Ramhlun North
9:30 PM Durtlang vs Armed Veng South