Assam-ah JH-a pahnihna

20th India Club Anup Lohaty Tennis Championship khelh mekah Mizo naupang JH Lalhruaizela chu kum 14 hnuai lam inelna huangah pahnihna a ni. Nimin khan final khelh niin JH-a hi seeded pakhatna Arunesh Bora lakah 7-6, 6-3 in an chak lo a ni.

Lazuia Open cham­pion lai JH-a hian January thlatir lam khan All Assam Tennis Association buatsaih Junior inelna huangah gold medal a lo la tawh a ni.

Mizoram team coach B. Lalruattluanga chuan, "JH-a hi hnam dang zing­ah pawh a khel ṭha thei hle a, a rualpui player dangte pawhin an huphurh thei hle. Final bikah a khelh ṭhat loh ṭum a tawng, chu­tih rualin a khelh danah hmasawnna a awm avangin a lawmawm hle," tiin a sawi.