Ibra khumtu Cavani

Edinson Cavani chu Paris Saint-Germain tana goal khung hnem ber a ni ta. Uruguay in­ternational striker hian Inrinni zana Mont­pellier 4-0 a an hneh ṭumin goal hmahruai khungin Zlatan Ibrahimovic nen record inṭawm an neih chu a khum ta a ni.

Kum 30 mi Cavani hian PSG tan hian inelna hrang hrangah match 229 khelin goal 157 a khung a, Manchester United striker Ibra chu goal khatin a khum chiah.

Italian club Napoli aṭangin Cavani hian kum 2013 July thla khan pound maktaduai 55-in French club hi a zawm a, Ibra chhuah hnuah goal khung tura rinrawl a ni a, PSG-in Ligue 1 an thunun bawk avangin club record a siam hi a belhchhah chho zel ang.

Ligue 1 hmahruaitu PSG tan hian hliam dam hlim Neymar-a'n goal hnih a khung belh bakah Argentine winger Angel Di Maria chuan goal khat a thawh ve leh bawk. Unai Emery naute hi Lyon an hneh loh hnua an match hmasa berah chiang takin hnehna an chang nghal.