Samir Handanovic a dam hnai

Inter Milan goalkeeper Samir Handanovic chu hun rei tak chhung hliam vanga a chawlh hnuah a dam leh tawh a, Napoli nen Coppa Italia semifinal second leg an khelh hunah chuan inlan theih a beisei.

Kum 35 mi Handanovic hian season tir lam Serie A match 22 aṭang khan goal 20 a chhuah a, goal chhuah lohna match pasarih a nei thung; hliam a tawrh hnua a aiawhtu Daniele Padelli-a'n khel ṭha thawkhat mah se beisei a phak meuh lo.

Coppa Italia semifinal hi June 12-ah khelh chhunzawm a ni dawn, inkhel hmasa zawkah Inter hi Lazio lakah 1-0 in an hnufual mek; final lut tur chuan league lama an chunga awm mek hi San Siro-ah an lehthal a ngai dawn.

Semifinal lehlamah Juventus leh AC Milan an inkhel thung dawn, cup inelna hi Serie A an khelh ṭan hmain a hmawr bawkna neih tur a ni ang. June 17-ah nomawi inchuhna neih tur niin, June 20 aṭangin league an khel chhunzawm bawk ang.