Indonesia-ah Ginting a chungnung

Pathianni khan Indonesian Masters final khelh a ni a, khawtual tlangval Anthony Sinisuka Ginting chuan Japan shuttler Kazumasa Sakai chu 21-13, 21-12 a hnehin nomawi a chawi.

Kum 21 mi Ginting hian a khel ṭha hle a, tualchhung player a nih avangin mipui ṭan a hlawh hle bawk. Jakarta-a Istora Senayan Stadium-a hnehna chang tur hian minute 33 bak a mamawh lo.

Japanese star Sakai hian final lut turin world number one Viktor Axelsen a hneh thei a, mahse Indonesian shuttler lakah erawh a che muang zawkah a ṭang a, nidanga a khel a phak lo bawk.

Hmeichhe singles final-ah world number 1 Tai Tzu Ying chuan India nula Saina Nehwal chu minute 30 chhung lekin 21-9, 21-13 in a hneh ve bawk.