Amir Khan hmachhawn tur a chiang ta

British boxer Amir Khan chuan kum hnih a chawlh hnua boxing ring-a a lo kir leh tur thu a puan hnu lawkah a khingpui hmasa ber tur tihchian a ni nghal a, April 21 khian Canadian boxer Phil lo Greco nen an inhnek dawn.

Kum 31 mi Khan hian May 2016 khan a fight hnuhnung berah Saul Alvarez a hmachhawn a, WBC middleweight title inchuhnaah hian Mexican boxer lakah a tlawm - round ruknaah knockout a ni.

Light-welterweight world champion hlui Khan chuan, "Phil hian hnehna chan tumin a theihna zawng zawng a pe dawn a, mah se inch khat pawhin hma a sawn lo ang tih ka tiam a ni," tiin Liverpool Echo Arena-a an inhnek tur chungchang a sawi lawk.

Khan hian inhnek a hmachhawn tawh vawi 35-ah vawi 31 hnehna a chang a, vawi li a tlawm. A khingpui tur Li Greco hian vawi 31 fight-a hmachhawn tawhah vawi 28 hnehna changin vawi thum a tlawm thung.

Kum 33 mi Greco chuan, "UK-a ka inhnek hmasa ber tur a nih avangin ka phur tawh takzet. British mipui te hian an mi leh sa an ṭan ṭhin tih ka hria a, chutihrual chuan fight hmuhnawm an beisei ṭhin avangin an beisei ang ka pe ang. Amir Khan hi ka knockout dawn a ni," a ti.