Racism tuartu zinga mi ka ni - Gayle

West Indies tana ODI-a run siam tam ber Chris Gayle-a'n racism chungchangah cricket a fimhlim loh thu a sawi a, amah ngei pawh chi leh chi inthliarna tuartu a nih thu a sawi chhuak.

Kum 40 mi Gayle chuan, "Chi leh chi inthliarna hi football-ah chauh a ni lo a, cricket-ah pawh a awm. Team chhung thlengin a awm a, tuang kan tihchhah ve a ngai. Kan nihna kan zahpui lo a, midang aia ṭha kan nih a ngai a ni," tiin a sawi.

Gayle hi Test-a triple hundred (317 vs South Africa), ODI-a double hundred (215 vs Zimbabwe) leh T20-a century (117 vs South Africa) siam vek thei awmchhun a ni.