Pique leichhuah a har dawn

Barcelona defender Gerard Pique chuan kum 2022 thleng daih turin contract a pawt­sei a, Spain inter­na­tional contract-ah hian buyout clause euro maktaduai 500 (£440m) zet telh a ni.

Neymar khan Bar­ce­lona tana a khelh lai khan buyout clause pound maktaduai 200 zet a nei a, leichhuah theih loh ang hiala ngaih niin lang mah se Paris Saint-Germain in an ngam miau avangin Catalan club-in an player pawimawh an chan. Brazil captain aṭangin Barca an inzir a, tihsual nawn an tum tawh lo.

Spain international hian kum 2008-a Man­chester United aṭanga a inzirchhuahna Catalan club a zawm leh hnuah match 422 a khel tawh. Pique chuan, "Ka contract ka pawtsei thei hi ka lawm lo a, a tawpna a nih loh ka beisei. Team danga khelh châkna ka nei lo a, football ka khelh chhan hi Barca tana ka khelh vang a ni," tiin a sawi.

Kum 30 mi defender hian Barca hi nomawi 20 chuang a lakpui tawh a, chung zingah chuan La Liga title paruk leh Champions League nomawi pathum a tel a, Spain-in 2010 World Cup leh Euro 2012 an champion ṭumin a tel bawk.