May 5-ah Golovkin v Canelo

Gennady Golovkin leh Saul 'Canelo' Alvarez te chu May 5 khian a vawi hnih nan an intawng leh dawn–boxer pahnih hi September thla khan an lo intawng tawh a, sawisel hlawh takin chak zawk awm loah puan a ni.

Kum 35 mi Golovkin chuan middleweight title a kawl lai WBA, WBC leh IBF te chu inchuh turin a dah leh dawn a ni. Vawi 35 inhnek a hmachhawn tawha la tlawm lo boxer chuan, 'Hei hi khawvelin a hmuh chak fight chu a ni," tiin Saul Alvarez nena an inhnek leh tur chhan a sawi.

Kazakh boxer chuan sawi zawmin, "Inhnek hmasaa judge ṭhenkhat thutlukna kha ka pawm ve lo a, tun ṭumah chuan chiang takin khawvel middleweight champion ni chungin ring ka chhuahsan ang," a ti a, vaupung a ti na hle.

Vawi 52 inhnek a hmachhawna vawi 49 hnehna changtu Alvarez chuan, "Fan-ten an hmuh chak an hmuh theih nan kan intawng leh dawn a, ka hlim hle. Tun ṭum chu Golovkin hian chhuanlam tur a nei dawn lo–ka knockout dawn a ni," tiin a zam bik lo.