Marseille-ah Guendouzi a kal

FIFA Golden Boy Award dawng thei tur zinga chhawp chhuah ni phak mah se Matteo Guendouzi tan Arsenal-ah hmun a awm lo. Guendouzi hian Ligue 1 club Marseille chu season khat chhung atan loan hmangin a zawm.

Kum 2019 favang lai khan Guendouzi hi FIFA Golden Boy Award dang thei tur zinga chhawp chhuah a ni a, an ram France senior team tan pawh koh a ni phak hial. Mahse, a nungchang ṭha tawk lo vangin Mikel Arteta nen an inmil lo.

Season hmasa khan Hertha Berlin lamah loan hmanga kaltir a lo ni tawh, tuna loan hmanga a zawm Marsille hian an duh a nih chuan a loan hun hman zawh hnuah a nghetin an lei thei ang.