Rashford a chawl rei dawn

Manchester United striker Marcus Rashford chu Premier League season tir lamah kan hmu thei dawn lo. England international hi a dar (shoulder) an zai dawn a, a hma berah October thla velah a inkhel thei leh chauh ang.

Season hmasa chaw-hnu lam aṭang khan Rashford hian buaina a nei tawh, tun hnaiah a dinhmun hi enfiah nawn leh niin zai turin thutlukna a siam - July thla tawp vel hian an zai dawn niin khawtlang media chuan an tarlang.

Kum 23 mi Rashford hian season hmasa khan Man United tan hmun pawimawh a chang phak, league match 37 a khelh aṭangin goal 11 a khung. Season thar tir lamah erawh Ole Gunnar Solskjaer-a'n a striker tel loa ruahmanna a siam a ngai dawn.

Man United tan ṭangkai viau mah se Euro 2020 khelh zawh takah ram tan beisei angin hmun pawimawh a chang lo. Final-a Italy an hneh loh ṭumin penalty a hlah avangin sawisel a hlawh zui bawk.

Ram tana penalty a hlah avang hian ngaihdam a dil a, a thil tih vanga vun rawng vanga hmuhsitna a tawng erawh a hriat thiam loh thu a sawi.