Premier fixtures a chhuak hnai

June 17-ah Premier League khelh ṭan tum a ni a, fixture a chhuak hnai. Vawiin hian Premier League fixture ruahman lawkna sawiho a ni dawn a, club ṭhenkhat tan match khelh tur a tam dawn hle.

Premier League ṭan ni hian match khel tlem bik club pali an inlan dawn a, team pumpui inlan ṭanna tur round erawh June 19-22 a ni ang. Ruahman lawknaah hian kar laklawha inkhelh hun round pathum a awm dawn a, June 23-25, July 7-9 leh July 14-16 ah khelh a ni ang.

Inelna hi July 25-26, 2020 hian zawh tum a ni a, August 1-ah FA Cup final khelh turin ruahmanna an siam. Fixtures siamtute hian club-te hi darkar 48 chhunga match hnih an khelh loh nan ngaihtuahna an seng a, chutihrualin club ṭhenkhatin kar khat chhungin match thum an khelh a ṭul dawn.