UEFA EURO 2020 Team of the Tournament

European Championship 2020 chu July 11, Pathianni khan khelh zawh a ni ta a, Italy-in England hnehin an champion. Euro 2020-ah hian team 24 an tel a, match 51 khelh a ni.

Match 51 hi khawpui 11-ah khelh a ni a, goal 142 zet a lut. Inkhelhna a zawh takah chuan infiamna lam ziak ṭhin chanchinbu/website hrang hrangin team of the tournament an thlang.

Tun ṭuma kan rawn tarlan erawh inelna buatsaihtu UEFA thlan a ni a, tunlai ṭawngkam takin 'official' a ni. UEFA hian player ṭha bik thlang chhuang tur hian football lam hre ril mi 16 ruat an ni a, 'Technical Observers' hming an pe.