NM Gupta Football-ah Mizoram an chak

32nd Capt NM Gupta football-ah champion lai Mizoram chuan nimin khan an match hmasa berah Railways 3-2 in an hneh.

Sil­char-a inkhelah Mizoram tan MS Dawngliana chuan minute ngana lekah goal a khung a, first half-ah 1-0 a ni.

Second half-ah Railways lamin an siphurh an sut a, MC Malsawmzuala hmangin Mizoramin hma an hruai nawn a, Railways lamin freekick hmang ṭangkaiin an si phurh sut nawn leh mah se Lalremruata'n chakna goal a khung.

Tun ṭuma Mizorama coach hi nikuma NM Gupta football-a champ­ion puitu coach Lalsang­zuala Hmar tho a ni a, Silchar-a inelna hi Mizo­ram hian Santosh Trophy final round inpuah­chahna atan an hmang a ni.

Kumin January thla khan Mizoram hian Lammualah Arunachal Pradesh leh Assam hnehin Santosh Trophy final round khel turin an inpet tling tawh a, inelna neih hun leh hmun tur erawh AIFF lamin an la tichiang lo.