Robben a chawl

Arjen Robben chuan nimin khan football khelh a chawlhsan thu a puang a, Dutch winger hi kum 37 mi a ni.

Netherlands international hlui Robben hian kum 2019 khan Bayern Munich a chhuahsan a, July 4, 2019 khan football khelh a chawlhsan thu a puang.

Season khat a awl hnuin Robben hi a rawn kir a, June 27, 2020 khan football career inṭanna club FC Groningen tan a rawn let tur thu a sawi. Robben hian Eredivisie club Groningen tan hian match sarih a inlan a, May 9 khan FC Emmen nen an inkhelh ṭumin bul a ṭan a, assist vawi hnih a nei a ni.

Nimin khan Robben chuan, "Football-a ka ṭhian duh takte, football khelh chawlhsan turin thutlukna ka siam. Ka inkhelh hun chhunga min ṭawiawmtute chungah lawmthu ka sawi," tiin a chawlh thu twitter kaltlangin a puang.