Olympic 2020 khel tur USA basketball team

Tokyo Olympic-a inlan tur USA Basketball team chu inelna tur atana inpuahchahna inkhel match thum an khelh tawhah vawi khat chiah an la chak.

USA hi Nigeria lakah 90-87 in an chak lo a, Australia lakah 91-83 in an tlawm leh bawk. Chutihrualin United States hian an match hnuhnung berah Argentina 108-80 in an hneh a, tukin zing khan Australia nen an inhmachhawn leh ang.

Olympic hma hian United States hian Spain an la hmachhawn dawn a, July 18 zing dar 6:30-ah an inkhel ang. Team USA hian Las Vegas-ah training hi an nei a ni.

United States-ah hian NBA player 12 an awm a, chung zinga pahnih Kevin Durant leh Kevin Love te chuan kum 2012 leh 2016 khan gold medal an la tawh a, inelna hnuhnung bera gold medal la zingah hian Draymond Green a tel bawk.

Olympic Basketball hi Saitama Super Arena, Japan-ah July 25 aṭangin khelh ṭan tur a ni a, group A-ah France, Iran leh Czech Republic te nen awm. Olympic mipa basketball-ah hian 12 an tel a ni.