Cavani-a'n United tak tak a la tem lo - Solskjaer

Manchester United-in season thar atan training an ṭan leh tawh a, Ole Gunnar Solskjaer-a'n season tharah entu an awm thei a nih chuan boruak nuam zawk a awm tur thu a sawi.

Norwegian manager Solskjaer chuan, "Stretford End lama goal an khung hma chuan Manchester United tak tak an la tem lo. Edinson Cavani chuan entu tlem a zawng hmaah chuan a khung tawh a, Donny van de Beek pawh Stretford End lamah chuan goal a khung tawh. Mahse stadium khat leh khat lo chu a danglam hle. Entu awma inkhelh theih hun chuan a nuam khawp ang," tiin a sawi.

Olympic khel turin Ivory Coast-in Man United defender Eric Bailly leh rawlthar duhawm Amad Diallo te an ko a, hemi chungchang hi sawiin Solskjaer chuan, "Tute pawhin Olympics chu an en vek tawh ang. Inelna ropui tak a ni a, chuvangin an ramin a mamawh a nih chuan ka dang thei lo. Medal nena lo haw turin duhsakna ka hlan," tiin Ivorian player pahnih chungchang a sawi.