Canada Masters-ah Osaka inlan dawn

French Open leh Wimbledon aṭanga a inhnuhdawh hnuah Naomi Osaka chuan inkhelh lam a ngaihven leh thei dawn ta niin a lang. Japanese star hian August thlaa khelh tur Canada Masters-ah inlan a tum.

Grand Slam vawi li champion tawh Osaka hian rilru lamah harsatna a nei, media hmachhawn a hreh avangin French Open aṭangin a inhnukdawk - Wimbledon khelh a lo rilruk tawh pawh a ṭhulh chhunzawm.

World number 2 hian a chhungte leh ṭhiante nen hahdam taka hun hman a duh a, tennis leh media lam ngaihtuah loin zalen takin chawlh a hmang. Tunah erawh US Open inbuatsaihna tournament khelh a tum thu a chiang leh ta.

Canadian Open, Canada Masters tia sawi bawkah hian mipa leh hmeichhe tan inelna an buatsaih ṭhin. Mipa lamin Toronto lamah inelna an nei a, hmeichhe lam erawhin Montreal laman an khel thung ṭhin.

Inelna buatsaihtu lam hian Osaka bakah hian player langsar dang - world number 1 Ashleigh Barty, Aryna Sabalenka, Elina Svitolina leh Bianca Andreescu te pawh an inlan tur thu an tichiang bawk.