MSU Cup - Inter College Football leh Archery inelna zo

Mizo Students' Union buatsaiha inter college football tournament leh archery shooting competition chu nimin khan zawh a ni ta a, football leh archery-ah hian Govt. Hrangbana College an champion ve ve. 

RG Stadium, Mualpuia inelna hi Sports & Youth Services director Lalsangliana chuan a hmanpui a, Aizawl khawpui chhunga college naupang fuankhawm an ṭhahnem hle. 

Football bika inelna hi March 11 khan neih ṭan a ni a, nimina final inkhelah Hrangbana College hian 2-0 in Govt. Aizawl College chu an hneh a ni. HBC tan hian Lalchungnunga leh Malsawmzela ten minute 15 chhungin goal hnih an khung a, Aizawl College lamin a chhan letna tur an nei lo. 

Final Result

Aizawl College    0 - 2    Hrangbana College

HBC: Lalchungnunga 8'; Malsawmzela 15'

*Pakhatna hian Rs. 20,000 an dawng a, pahnihnain Rs. 10,000 an dawng thung. 

Top Scorer    Crespo Vanlalhriatpuia Aizawl College, 4 goals

Best Player    Malsawmzuala, Hrangbana College

Best Keeper    RS Lallawmzuala, Hrangbana College

Best Supporting Award    Aizawl College

Archery Shooting Competition

Pakhatna    Lawmman

Hrangbana College    Rs. 7,000

Pahnihna    Lawmman

Aizawl West College    Rs. 5,000

Pathumna    Lawmman

Aizawl College    Rs. 3,000