Napoli-ah Di Lorenzo a nghet

Euro 2020-a Italy champion puitu right back Giovanni Di Lorenzo chuan Napoli-a a contract neih lai chu June 2026 thleng atan a pawtsei.

Thla thar August 4-a kum 28 tling tur Di Lorenzo hian kum 2019 khan euro maktaduai 8-in Empoli aṭangin Napoli hi a zawm a, season hman zawh takah khan match 49 zet khelin goal li a khung bakah asssist vawi riat a nei bawk.

Di Lorenzo hi Man-chester United nen pawh sawizawm a ni hman a, tuna contract a pawhsei takah chuan thuthang leng vel satliahah a ngaih theih. Italian defender Di Lorenzo hian Alessandro Florenzi inhliam hnuah Roberto Mancini hnuaiah hmun pawimawh a chang.

Euro 2020 khelh zawh takah khan match rukah a inlan a, minute 585 khelin knockout stage chinah a khel tluan vek a ni.