Marseille-ah Saliba a kal

Arsenal defender William Saliba chuan season khat chhung cham turin Olympique Marseille chu loan hmangin a zawm, loan hun a hman zawh hunah a ngheta lei theih erawh a la ni dawn lo thung.

Saliba hian 2019 khan St Etienne aṭangin Gunners hi pound maktaduai 27-in a zawm, club pahnih inrem danah St Etienne tan hian season khat chu loan hmangin a khel zui leh, season hmasa khan North London club-ah hian a lut fel anga sawi theih a ni.

Manager Mikel Arteta-a'n a la ring zo lo a, season hmasa chawhnu lam khan Nice lamah loan hmang bawkin hun a hmang, season thar lo awm turah pawh Arsenal hian an la ring zo chuang lo.

Arsenal technical director Edu chuan, "William hian kum 18 mi chauh a nih laiin min rawn zawm, tunah pawh kum 20 mi chauh a la ni. Hmasawnna tur tam tak a la nei a, ngun taka kan sawiho hnuah intuaihriam tura chhuah rih hi a ṭha kan ti," tiin a sawi.

France under 20 inter-national hi 6 ft 4 in a sang a ni a, ball kangah a ṭhat bakah tharum a ngah. Player beiseiawm berte zinga mi a ni a, mahse an duh leh beisei ang erawh chuan a la khel chhuak thei rih lo.