Kulikawn lakah RVL an chak

Nimin khan Mahuma Memorial 1st Division Tournament 2020-ah Ramhlun Venglai chuan Kulikawn chu run 17-in an hneh. RVL tana run 43 siamtu Joseph Lalthankhuma chu Player oh the Match atan thlan a ni.

DSA Ground, Silchar-a inkhelah Ramhlun Venglai lamin vuak hmasak an thlang a, over 43.5 chhunga run 200 siamin an thi kim. Kulikawn lam tan target sang tih tur a ni lo. Mahse, Kulikawn lamin over 48.1-ah run 183 chauh siamin an thi kim a, an tum ram an theng lo. League match hnih khelh tawhah RVL hian a vawi khat nan hnehna an chang a, Kulikawn erawh an khingpui nen an inhnehtawk tih bak chu chak ni hmel an la hmu lo.

Coronavirus leng mek vangin Cricket Association of  Mizoram hnuaia inelna lian hi thu leh awm hma chuan khelh zawm a ni tawh rih dawn lo. Nimin khan round 2 an khel zo chiah a, Chanmarians leh Chhinga Vengte chu match hniha vawi hnih chak thei an ni.

Thlirna Tawi

Ramhlun Venglai bt Kulikawn

Ramhlun Venglaiin run 17-in hnehna an chang

MoM: Joseph Lalthankhuma, Ramhlun Venglai

Toss: Ramhlun Venglai lamin vuak hmasak an thlang

Ramhlun Venglai: 200/10 (43.5)

Joseph Lalthankhuma 43 (59); Vanrotlinga 39 (51)

Moses Renthlei 28/3 (10); Rosiamliana Ralte Jr 41/3 (10)

Kulikawn: 183/10 (48.1)

C. Lalrinsanga 72 (107); Vikash Kumar 25 (49)

Raju Das 19/3 (7.1); Joseph Lalthankhuma 28/3 (10)