West Indies-in Aussies an hneh

West Indies-in Aus-tralia nen T20 match nga an khelhah 4-1 in an series an la. Match hnuhnung ber hi Beausejour Stadium, St. Lucia-ah khelh a ni a, Windies hi run 16-in an chak.

Ṭhumvawrah West Indies an vannei a, bat hmasak an thlang. Opener Evin Lewis-a'n run 79 tehmeuh a siam zarah run 199/8 an siam a, chak turin an dinhmun a ṭha.

Australia hian target sang tak um mah se captain Aaron Finch (34) leh Mitchell Marsh (30) te hmangin beiseina an nei a, a tawpah erawh run 183/9 bak an vaw chhuak thei ta lo.

West Indies leh Australia te hian ODI an khelh chhunzawm dawn a, match thum khelh tura hmasa ber hi July 21-ah khelh ṭan a ni ang.