Chawnpui an chak ve ta

Mizoram Super League season 6 kal laiah Chawnpui Basketball Club chuan a vawi khat nan hnehna an chang. Chawnpui hian anmahni ang bawka team thar Ramhlun Sporting Club chu 72-69 in 

an hneh.

Mizoram sorkar hnuaia State Sports Council ngenna angin MSL hi a hmunah entu an awm lo, fans awm loa inkhelah Chawnpui an vannei zawk. League match nga an khelh tur an khel zo a, table-ah palina an ni rih - club dang result a zirin an dinhmun a la danglam thei.

Ningani zan Hawla Indoor Stadium, Republic Vengthlanga inkhelah team pahnih an inkhel tawk a, quarter hmasa pathumah Ramhlun an chungnung zawk. Mahse, quarter hnuhnung berah Chawnpui lamin point 22 an neih belh laiin RSC-in point 10 chauh an neih belh thung.

MSL6-ah hian team paruk an inel a, league-ah vawi khat ṭheuh an inkhelh kual hnuin a sang paliin semifinal an khel ang, a hniam pahnih chuan relegation playoff an khel thung dawn a ni. Nizan khan champion lai Zarkawt BCA leh Chanmari Vikings an inkhel a, result kan hre hman lo. Kar leh hian league match hnih khelh tur a la awm bawk. MSL Board chuan fixture a kai tawi a, inelna hi March thla chhunga neih zawh a ni ang.

Chawnpui    72 - 69    Ramhlun Sporting

QTR    1    2    3    4    TOT

CBC    19    14    17    22    72

RSC    26    12    21    10    69

CBC

#    Player    Point    Rebound    Steal    Assist

1    Laltlanhlua    23    13    3    1

2    Harry Singh    18    17    0    10

3    Andre Lalhruaitluanga    13    3    0    1

RSC

#    Player    Point    Rebound    Steal    Assist

1    Eban Hyams    24    13    1    8

2    Emmanuel Lalfakawma    12    0    1    1

3    Lalruatpuia    10    13    0    4

Team Dinhmun

#    Team    Pld    W    L    PD    Pts

1    Zarkawt BCA    4    4    0    68    8

2    Tuikual South    4    2    2    1    6

3    Khatla TBL    4    2    2    4    6

4    Chawnpui BC    5    1    4    -61    6

5    Chanmari Vikings    3    2    1    31    5

6    Ramhlun SC    4    1    3    -44    5