Mizoram Police an chak chiang

66th BN Mullik Me­morial All India Police Football Championship-ah Mizoram Police chuan an match hmasa berah Uttar Pradesh 5-0 in an hneh nghal.

MPL6 semifinalist Mi­zoram Police hi Group F-ah Goa leh Chhattisgarh nen an awm ho a, Inrinni zing dar 8:00-ah Goa nen an inhmachhawn leh ang.

Nimin inkhelah Mizo­ram tan F. Lalrin­puia'n goal hnih a khung bakah Lalfakawma, Lalsangbera leh Lalbiakhlua ten goal khat ṭheuh an khung.

India ram pum huap inelnaah hian Mizoram Police an la champion ngai lo a, coach Lalbiaksanga Colney chuan nomawi chawi a inbeisei thu Vanglaini a hrilh.