India tlangval Kidambi Srikanth a tla

Badminton Indian Open Super Series khelh mekah Kidambi Srikanth chu second round-ah vuak tlak a ni a, Saina Nehwal leh PV Sindhu erawh hmalam panin an kal zel thung.

Ningani khan Siri Fort Complex-ah second round khelh niin, world number 3 Srikanth hi Iskander Zulkarnain lakah 21-19, 21-17 in an chak lo. World number 85 Zulkarnain hian India tlangval Srikanth lakah vawi hnih hnehna a channa chiah a ni.

Hmeichhe singles lamah Saina Nehwal chuan Line Hojmark Kjaersfeldt chu 21-12, 21-11, in a hneh a, inkhel dangah Sindhu pawhin Linda Zetchiri chu 21-10, 21-14 in a hneh ve bawk.

World number 1 hlui leh Olympic champion ni bawk Carolina Marin chuan fiahna hautak a paltlang, Spain nula Marin hian darkar hnih deuhthaw an inkhelh hnuah Gao Fangjie chu 21-13, 15-21, 11-21 in a hneh hram a ni.