Dhawan-a'n India a chakpui

Pathianni zan khan India leh Sri Lanka ten ODI match thum an khelh tura hmasa ber an khel a, Men in Blue hi wicket sarihin an chak.

India tan opener Shikhar Dhawan a che ṭha a, thi loin run 86 a siam. Dhawan hi Indian zinga ODI cricket-a 6,000 run siam thei 10-na a ni a, tun dinhmun thleng tur hian match 140 a hmang.

R Premadasa Stadium, Colombo-a inkhelah hian ṭhumvawrah Sri Lanka an vannei a, bat hmasak an thlang. Lions batsman te an che ṭha rual a, 262 run an siam.

Sri Lanka tour bika India captain Dhawan a che ṭha a, run 86 a siam bakah Ishan Kishan (59) leh Prithvi Shaw (43) te an chet ṭhat bawk avangin over 36.4 lekah run 263 siamin target an umpha.

Vawiin tlai dar 3:00 hian Sri Lanka leh India te hian ODI match hnihna an khel dawn a, July 13, Zirtawpni tlaiah match hnuhnung ber an khel leh ang.