Tih sual a thiang tawh lo - Devin Booker

NBA Finals khelh laiah Phoenix Suns chu chak lo mai thei dinhmunah an ding tawh, shooting guard Devin Booker chuan an tan tihsual neih a thiang tawh lo tih a sawi - Nilaini zing dar 6:30 hian game 6 an khel ang.

Suns hian game hmasa pahnih an la thei, mahse tun hnaiah a zawnin vawi thum an chak lo. Best of seven series-ah 3-2 in an hniam mek, game 6 an khelhna tur hi Milwaukee Bucks mual a nih dawn avangin an tan thil a awlsam dawn lo.

Kum 24 mi Booker chuan, "A tirah khan chak tlang thei tur ang maiin kan awm hman, mahse chutiang ngawta awlsam chu a ni lo. Tunah chuan thi leh dam kara leng zawk kan ni ta, engkim mai ruahmanna fel tak nena tih a ngai tawh," a ti.

American tlangval hian tun season playoff-ah a zawnin point 40 neih tlin a nei thei. NBA Finals game 5 bikah pawh point 40 a nei thei hial an chakpui tham khawpa tam niin lang mah se an basket an venghim thei lo.

Suns hian game 7 khel tura Bucks chelh an duh a nih chuan Booker hi a pawimawh dawn, ani bakah hian tawnhriat nei ṭha Chris Paul chungah mawhphurhna a sang bawk ang.