Gerrard-a'n Champions League hmachhawn dawn

Steven Gerrard-a'n Scottish Premiership-ah Rangers a champion pui avangin season tharah a team hi Champions League group stage match khelhpuina remchang a nei a, a match hmasa berah Malmo emaw HJK Helsinki emaw an hmachhawn ang.

Rangers hian Champions League hi third qualifying round aṭangin an khel ṭan dawn a, second round-a Finnish champion HJK leh Swedish champion Malmo inkhela chak zawk an hmachhawn dawn.

Scottish champion Rangers hian August 3 emaw 4-ah emaw second round inkhela chak zawk hi an lenchilh ang a, August 10-ah an mikhual ve leh bawk ang - an chak chuan playoff round an la khel leh dawn a ni.

Playoff-ah hian hnehna an chan chuan group stage khel turin an tling dawn - coach thar Ange Postecoglou hnuaia insiamṭhat tum Celtic chuan second round aṭangin bul an ṭan ang a, Danish club ṭha Midtjylland an tum dawn.

Champions League qualifying third round-a chak lo team hian Europa League play-off round an khelh a ngai dawn a, Gerrard-a'n Champions League lo chu mitthla a duh lo ang.

Rangers hian 2010-11 season hnuah Champions League group stage an la khel leh lo a, Scottish club-in European club football-a inelna sang bera group stage an khelh hnuhnun ber chu 2017-18 season kha niin Brendan Rodgers hoin Celtic an inlan.