Coco Gauff-i'n Covid-19 a kai

American tleirawl duhawm Coco Gauff chuan coronavrius a kai a, hri leng a kai avang hian Tokyo Olympic 2020-ah an ram aiawhin in a feh chhuak ve thei dawn lo tih a sawi.

Kum 17 mi Gauff chuan, "Covid ka kai avangin Olympic ka khel thei dawn lo, he thu sawi chhuah hi hrehawm ka ti hle. Ka naupan lai aṭangin ram tana Olympic khelh hi ka duhthusam a ni ṭhin, tunah erawh a la thleng thei rih dawn lo.

"Engtik niah emaw chuan United States tan Olympic ka la khelh ve ngei ka beisei tlat a ni. US tana feh chhuak zawng zawngte hlawhtling turin duhsakna ka hlan a, hri leng laka an him ka duhsak bawk," a ti.

Tokyo Olympic-ah hian player langsar inlan thei lo tur an tam. Rafael Nadal, Roger Federer, Serena Williams, Simona Halep, Dominic Thiem, Stan Wawrinka leh Nick Kyrgios te chu a lo inhnukdawk tawh.