Lazio-ah Anderson a kir

West Ham player man to ber pawh lo ni tawh Felipe Anderson chu London khawhpuiah a inbengbel thei lo, a club hlui Napoli lamah a nghet a khel turin a kir leh - a contract thar rei zawng erawh tarlan a ni lo.

Brazilian club Santos aṭanga inzirchhuak, midfielder Anderson hian 2018 khan Lazio aṭangin West Ham hi a zawm, pound maktaduai 35 man lai a nih avangin Hammers-in player lakluh nana an sum hman hnem ber a ni hial.

A lakah beisei nei sang viau mah se an beisei ang chhanna erawh an hmu lo. London club tan hian season hnih a khel hman a, season hmasa phei kha chu Porto lamah loan hmangin an chhuahtir daih.

Kum 28 mi Anderson hian 2013-18 chhung khan Lazio tan a lo khel tawh. Serie A bikah pawh match 137 a khelh aṭangin goal 25 a khung tawh a, a sulhnu vang hian Italian football-ah chuan a mikhual lo ang.