Arthur a chawl rei dawn

Juventus midfielder Arthur chu a ke ding lam hliam zai a ni a, a hliam vang hian a rei lo berah pawh thla thum chhung a chawlh a ngai dawn - season thar tir lamah bul a ṭan ve thei dawn lo tihna a ni.

Brazil international hian kumin February thla khan hliam a nei, a natna hi zai loa enkawl dam theih beisei mah se a dam thei mai lo, tun hnaiah khan an zai leh hnuhnawh - Old Lady tan a hmunruak luah tur zawn a ngai hial mai thei.

Tun dinhmunah Juventus hian midfield laia khel thei player an la nei nual. Danilo, Weston McKennie, Aaron Ramsey, Adrien Rabiot, Rodrigo Bentancur leh Nicolo Fagioli an la nei, mahse manager thar Massimiliano Allegri-a'n a la duhkhawp lo niin a lang.

Italian club lian hian tun nipui bazar chhungin player lakluh an la nei lo a, an neihsa zingah a langsar chhuak erawh an la awm lo bawk. Tun dinhmunah chuan Sassuolo midfielder Manuel Locatelli nen sawizawm mek an ni.