Mizo player ten medal 12 la

Online Asian Taekwondo Poomsae & Speedkicking Championship neih zawh takah, India aiawh a inlan Mizo ten medal 12 an hlawh chhuak.

Philippine Taekwondo Association buatsaih Online championship hi Open a nih angin qualifying round khelh ngai lova entry tih theih a ni a. India aṭangin player 40 lai telin heng zingah hian Mizo player 19 an tel a ni.

Mizo player-te hian poomsae inelna huangah 14 telin mi 8 ten medal an hlawh chhuak a, speed kicking inelna huangah pasarih telin mi paliin medal an hlawh chhuak bawk.