Mourinho-a'n left back a zawng

AS Roma-in left back an zawng a, Palmeiras defender Matias Vina an dawr. Serie A club hian Manchester United defender Alex Telles pawh an dawr tawh a, English club hian Italian club dilna an hnawl.

Jose Mourinho leh a hoten left back an zawn chhan hi Euro 2020-a Leonardo Spinazzola a inhliam vang a ni a, Italian left back hi January-ah a rawn let theih a beiseiawm chauh.

Kum 23 mi Matias Vina hi Uruguayan defender a ni a, ram tan vawi 16 a inlan tawh. Vina hi Palmeiras tan a khel mek a, Brazilian club hian a manah euro maktaduai 18 an chhiar avangin Roma tan lei a awlsam dawn lo.