Pereira tan season a tawp

Thawhṭanni zan Premier League inkhela inhliam Ricardo Pereira chu tun season chhung a inlan thei tawh dawn lo a, kum 26 mi full back hian a khupah hliam a tuar a ni. Leicester hian Thawhṭanni zan khan an mikhual Aston Villa chu league match-ah 4-0 in an sawp a, Pereira hi a inhliam - tun season-ah Foxes tan league match 28 a khel tawh. 

Foxes manager Brendan Rodgers chuan, "Chanchin lawmawm lo tak a ni a, season thar ṭan dawna friendly match velah chuan a dam hman kan beisei," a ti. Leicester player pawimawh James Maddison chu a chawn hliam vangin kar hnih vel a chawlh a ngai dawn bawk a, Foxes tan thu hriat nuam a ni lo.