Olympic thupui atan 'a huhoin' an telh

Olympic thupui (motto) atan hian 'Rang zawk, sang zawk leh chak zawk' tih an hmang ṭhin a, kuminah hian thumal thar 'a hohoin' tih chu an telh belh tih International Olympic Committee (IOC) chuan an nemnghet.

Olympic motto hi "faster, higher, stronger - together" tia ziah a ni. Hyphen hnua thumal an dah belh chhan hi hripui len laia inelna neih a nih vang leh, hri leng chu khawvelin kan zavaia do tlan a ngaihzia lantirna a ni.

IOC president Thomas Bach chuan, "Infiamna khawvel chuan thil rang leh sang zawk mai bakah chak zawk kan duh. Tunlai khawvel dinhmun thlirin lungrual taka hripui kan do tlan a ngai, chumi behchhana motto atana rawtna siam kan ni," tiin kumin tir lamah khan a lo sawi tawh.

Olympic motto hi Latin ṭawng aṭanga lak a ni a, 'Citius, Altius, Fortius' tih a ni ṭhin, kumin atan chuan 'Citius, Altius, Fortius – Communis' tih a ni ang.