Olympic khel thei lo tur Berrettini

Italian Olympic Committee (CONI) chuan Tokyo Olympic-ah Matteo Berrettini a inlan theih loh tur thu an sawi. Wimbledon finalist hi tihrawl na vangin a chawl mek a, tunah chuan Japan khawpuia inkhel turin a dam hman dawn lo.

World number 8 Berrettini hian tun thla tir khan All England Club-ah final a lut, world number 1 Novak Djokovic lakah chak lo mah se Italian player zinga Wimbledon final khel hmasa thei ber a ni a, an ram tan a hlutna a sang.

Kum 25 mi Berrettini awm lo mah se, Italian tennis team hian Fabio Fognini, Lorenzo Sonego leh Lorenzo Musetti te an la nei. Hmeichhe lamah Sara Errani, Jasmine Paolini leh Camila Giorgi te an la nei bawk.

Berrettini-a coach Vincenzo Santopadre chuan, "Wimbledon semifinal an khelh laiin Matteo hian a tihrawl a ti na. Olympic khel turin dam hman hram a beisei a, hun rei tak ngaichang mah se a inkhel thei ve dawn ta lo," a ti.

Olympic khel turin Italy hian infiammi 384 a tir chhuak dawn, mipa 197 leh hmeichhe infiammi 187 an tir chhuak thei a ni.