66th BN Mullik Memorial All India Police Football C'ship Last 16-ah Mizoram Police

66th BN Mullik Memorial All India Police Football Championship-ah Mizoram Police chuan group hmahruaitu nichungin last 16 an lut. Knockout round-a an khelhpui tur leh khelh hi he thuziah lai hian hriat a la ni lo.

Police hian match hmasa bera Uttar Pradesh 5-0 a an hneh hnuin Inrinni khan Goa 6-0 in an sawp a, nimin khan Chhattisgarh 5-0 in an hneh leh bawk.

Uttar Pradesh an hneh ṭum hian F. Lalrinpuia leh Lalfakzuala ten goal hnih ve ve khungin Lalbiakhlua leh Lalsangbera ten goal khat ve ve an khung.

Chattisgarh nen hian Mizoram Police tan Lalsangbera'n goal hnih a khung a, Lalfakzuala, Lalfakawma leh Lalnunmawia ten goal khat ṭheuh an khung a, coach Lalbiaksanga Colney leh manager B. Lalneihsanga kaihhruai team hian an khingpui hneh vekin group hmahruaitu an ni.