Mizoramin semifinal lut

Khelo India School Games neih mekah Inrinni tlai khan Mizoram mipa football team chuan Haryana chu 2-1 in an hneh a, semifinal an lut.

New Delhi-a neih inelna-ah hian Mizoram hian an match hmasa zawkah West Bengal chu 5-1 in an sawp tawh bawk a, league match khelh hmabak pakhat la nei chungin a sang pali zingah an inhlang kai – vawiin tlai dar 3:00 hian Kerala nen an inhmachhawn leh ang.

Hmeichhe team erawh vawi thum khelhah an chak lo vek a, an tla tawh.