Zaninah Khatla leh Mission VT

Mizoram Super Lea­gue season lina kal laiah zanin dar 7:30 hian Hawla Indoor Stadium-ah Mission Vengthlang Hollow BBSP leh vawi hnih champion tawh Khatla TBL te an inhmachhawn dawn.

Hun rei tak tualchhung basketball thununtu Khatla TBL hian an match hmasa berah Zarkawt BCA an hneh lo a, Hollow hi thinrim hrik thlak nan hman an tum dawn a, MSVT hian mipui puihna nen a kaw tawpa an beih let a ngai ang.

TBL hian player ṭha Vanlalmuana, Nelson Lalrohlua leh Eddie Zo­thanmawia te an kawl chungin Tuikual South rinrawl Vanchuangpuia leh Zarkawt Serpents guard Lalliansanga te an lak belh a; Ch.P-a leh LS-a te hian 17 pts leh 19 pts nei nghalin an tla tlum nghal hle.

Amaherawhchu team thluak bur ber H. Lal­din­sanga chu India national team coaching staff zingah a tel avangin Mapuia hian TBL a la ho thei lo a, hei hi an elpui BCA laka an chak lohna chhanah pawh a ngaih theih.

Mission Vengthlang Hollow erawhin kum hmasa lama relegation playoff an khelh hnuah an player pawimawh an chhuah a, nikuma an thlen chin thleng pha tura an elpui ber tura ngaih Republic VR4 an hneh loh avangin an hmabak a hautak hle.

Basketball-ah upset a thleng khat a, tualchhung basketball-a thlentir thei tur an awm a nih chuan coach Samuel Lal­thlamuana a ni ang. El-a hian Khatla TBL lakah game plan ṭha tak a duan a ṭul dawn a ni.