Neymar vangin player man a to?

Barcelona vice pre­sident Jordi Mestre chuan pound maktaduai 200-a Paris St-Germain lama an kaltir Neymar chu player man ti to tu a nih thu a sawi.

Jordi Mestre chuan, "Neymar khan a tirah a awm duh dan ti chiang se la chuan sum tam tak kan hum ang a, media thunawi tam tak kan hriat loh phah bawk ang. Ka rilru tina tu ber mai chu kan inchhuah tir dan kha a ni," a ti.

Neymar hian July 2016 khan Barcelona-ah kum nga dang cham chhunzawm turin contract a ziak a, a contract thar ziah avang hian rinawmna lawmman euro maktaduai 8.5 a dawng tel bawk.

Mestre chuan, "Ney­mar khan kan hnenah a chhuah duh thu awlsam takin sawi mai se buaina tam tak kan pumpelh ang. Min hrilh lawk ni se PSG khan man tlawm zawkin an lei thei ang a, keini pawhin player dang lei nan sum tlem zawk kan seng thei ang," tiin Neymar hralhna pawisa an nei tih an hriat avangin an club biak ten player man an chhiar to ṭhin thu a sawi.

Neymar-a'n PSG a pan hnuah Barcelona hian pound maktaduai 142 man Philippe Coutinho leh pound maktaduai 136 man Ousmane Dembele te an lei tawh a, Premier League pawhin January-a sum an sen hnem ber ṭum tawngin pound maktaduai 430 an seng.