Vawiin aṭangin NECS Cup

Aizawl District Foot­­ball Association leh TT Royte Group te buatsaih NECS Cup 2018 chu vawiin aṭangin Lammualah khelh ṭan a ni dawn. Aizawl district chhunga khua/veng inelna lianah hian team 74 an inlan dawn.

Inelna hi knock out hmanga neih ṭhin a ni a, kum hmasa lamah pawh team ṭha leh player langsar awmna an tlak hma chang a awm fo - kuminah pawh beisei loh result kan hmu leh nual tura ngaih a ni.

Inkhelh hun chhung hi last 16 hma zawng chu minute 80 khelh tur a ni ang a. Hun pangngaia an inhnehtawk chuan penalty shootout hmanga chak zawk zawn nghal tur a ni ang.

Round of 16 a lut te in tum dan tur chu draw neih ṭhat leh tur a ni dawn a, quarterfinal a lut te chu pool hnihah ṭhen an ni ang a, pool league a khelhtir an ni ang; pool champion leh pahnihna ten semi­final an lut dawn a ni.

Season hmasa khan Chhinga Veng chuan Bawngkawn hnehin a vawi khat nan an champion a, kuminah champion team hi first round-ah an bye a, vawiin match hmasa ber tur Khatla leh Zuangtui te inkhela chak zawk nen February 14-ah an intawng ang.