Tokyo 2020 Olympics atan boxing dinhmun a derthawng

International Olympic Committee (IOC) chuan kum 2020-a Tokyo khawpuia Olympic Games neih turah boxing dinhmun a derthawn thu an sawi a, IOC president Thomas Bach chuan boxing inrelbawlna chuan a tihluhai takzet thu a sawi.

International Amateur Boxing Association (AIBA) chuan IOC duh dan ang zawng zawng an zawh kim vek thu an sawi a, hetihlai hian IOC executive board chuan AIBA in sorkarna, refereeing leh anti-doping chungchangah an lawm loh thu an sawi thung.

Winter Olympics nei tura inbuatsaih mek Pyeongchang khawpuiah IOC chuan ni hnih chhung meeting an nei a, IOC hotupa Bach chuan AIBA chu an chhui chian mek thu leh an pawla ethics and compliance officer hotupa kaihhruaina hnuaiah chhui niin April-a IOC ṭhutkhawm leh hunah boxing dinhmun hi zir leh a ni ang.

IOC hian December 2017 khan AIBA chuan sorkarna leh pawisa hman dan chungchanga an insiamṭha lo a nih chuan suma an puihna tih tawp turin an lo rel tawh a, AIBA nena thawhhona chu an chawl lailawk mek a ni.