Pahnihna PV Sindhu

Ram chhunga Badmin-ton inelna ngaihhlut Indian Open 2018 khelh zawh takah India nula PV Sindhu chu hmeichhe singles-ah pahnihna a ni a, mipa final-ah Chinese star Shi Yuqi chuan Chou Tien Chen lakah 21-18, 21-14 a hnehna changin a champion bawk.

Pathianni khan Siri Fort Complex, Delhi-ah final khelh niin, darkar khat leh minute kua an inkhelh hnuah champion lai Sindhu hi world number 11 Beiwen Zhang lakah 18-21, 21-11, 20-22 in a chak lo.

Rio Olympic silver medalist Sindhu hian champion theihna hun ṭha a nei hman, game hnuhnung berah 20-19 in hma a hruai a, vawi khat ti dik ni se a nomawi a humhim ang. Mahse, a pawimawh hunah tak a chesual a, a hnu lamah point hnih hloh zui lehin a vanduai a ni.