Mizoram Karate thu thar

India rama Karate inelna sang KAI Junior National Karate Championship for cadet/junior & U21 chu tun thlatir khan Talkatora Indoor Stadium, New Delhi-ah neih zawh a ni a, Mizoram Karate Team ten silver leh bronze medal pakhat ve ve an hlawh chhuak.

Mizoram tan hian Zemabawk naupang Ramthangmawii chuan Junior Female Kumite (+59kgs) inelna huangah silver a la a, Lunglei Electric Veng tleirawl F. Laldinpuii chuan U21 Female Kumite (-68kgs) bikah bronze a la bawk.

Karate Association of India (KAI) buatsaihin January thla tawp khan Talkatora Indoor Stadium, New Delhi-ah World Karate Federation (WKF) News Rules Seminar & Examination National Referee & Judge te tan buatsaih a ni a.

He exam-hi National qualified referee & judge ni tawh sate tana grade sang zawk a inhlankai nana buatsaih a ni. Mizo ten National Karate Association of India national geferee grade ‘A’ pahnih, judge ‘A’ pakhat leh judge ‘B’ pakhat an neih belh ve leh ta a ni.