India coach tan contract thar

AIFF technical com-mittee nimina ṭhukhawm chuan India coach Stephen Constantine hnena contract thar zawrh turin thutlukna an siam a, an thutlukna hi AIFF executive committee hnenah la thlen leh tura tih a ni.

British coach hi AFC Asian Cup UAE 2019 tawp thlenga India enkawl turin contract thar hi zawrh a ni dawn a, inelna hi January 5–Februay 1 inkara khelh tur niin nakkum thleng chu Rwanda coach hian India a enkawl dawn tihna a ni.

AIFF technical com-mittee chuan, "AIFF-in kan duh ber AFC Asian Cup 2019 khel turin min kai pui a, FIFA ranking-a Asia ram bik zingah top 15 huang chhungah kan awm reng a, AIFF chuan contract thar zawrh a nih lohna chhan tur hi kan hre lo a ni," tiin thuchhuah an siam.

Kum 55 mi manager hian thla khatah nuai 12.8 a hlawh mek a, contract tharah hian hei aia tam zawk a hlawh ngei a rinawm–tun dinhmunah India rama infiamna huang hrang hranga foreign coach hlawh hnem ber a ni.