Russian athlete ṭhenkhat dinhmun a khirh

Zirtawpni tlaiah Winter Olympics neih ṭan a ni tawh dawn a, tun thlengin Russian athlete 47 leh coach ṭhenkhat chuan an inlan theih dawn leh dawn loh an la hre thei lo.

Infiamna lama thubai ngaihtuahtu sang ber Court of Arbitration for Sport (CAS) chuan nimin khan Russian athlete-te chungchang hi a ngaihtuah a, an thutlukna an puan nghal tur thu an sawi lawk tawh, mah se an thu tlukna puan hun hi Zirtawpni atan sawn a ni!

Kumin Winter Games-ah hian Russia chuan infiammi 169 a kaltir thei dawn tih a chiang tawh a, mah se Russia hi International Olympic Committee (IOC) hrem lai an nih avangin an infiammite hi an ram hmingin an inlan dawn lo, Rio Olympic-a an tih dan angin independent athlete an ni vek dawn a ni.