US-ah Arsenal an zin dawn lo

Premier League sea-son thar inbuatsaih nan Arsenal chuan US-ah zin an tum a, mahse Gunners hi an staff ṭhenkhat zingah Covid-19 kai an awm avangin an zin chhuak thei leh dawn lo, an zin tum hi an ṭhulh fel tawh.

A tira ruahman dan chuan Inrinni aṭang hian Camping World Stadium, Orlando-ah Florida Cup khelh tur a ni. Inelnaah hian Arsenal bakah Inter Milan, Everton leh Colombia club Millonarios te chu inlan tura tih an ni.

Mahse, North London club hi chu an inlan ve thei dawn ta lo, an hna thawktu zinga hri kai hi an hming tarlan a ni lo a, tun dinhmunah chuan hri leng kai mah se natna lang chhuak an nei rih lo.

Arsenal chuan thu chhuah siamin, "America lam min ṭantute tan chuan chanchin lawmawm lo tak a ni ang tih kan hria, an lakah hriatthiamna kan ngen. Florida Cup buat-saihtu lam pawhin kan dinhmun min hriattthiam avangin kan lawm.

"Hri kaite pawhin natna an nei hran lo, an dam leh thuai theih nan khunghran mek an ni. Kan thunun phak loh harstana a lo thleng thei a, hetiangah hian Premier League dan leh hrai kan zawm a ngai," an ti.

Mikel Arteta naute hian season thar inbuatsaih nan Scotland-ah match hnih an khel tawh. Tuna an ruahman danah chuan season ṭan hmain Chelsea leh Tottenham an la hmachhawn leh ang.