England-in hnehna an chang

England-in T20 match hmasa bera Pakistan an hneh loh hnuah an tho chhuak a, series 2-1 a lain hnehna an chang. T20 match hnuhnung ber hi July 20, Thawhlehni khan khelh niin England hi wicket thumin an chak a, ball hnih chiah an dah bang.

Old Trafford Cricket Ground-a inkhelah Pakistan-in bat hmasak an thlang a, Mohammed Rizwan-a'n thi loin run 76 siam mah se thlawptu ṭha a nei lo. Fakhar Zaman (24) leh Hasan Ali (15*) ten run tlem rawn belhin over 20-ah 154/6 run an siam.

England opener ten bul an ṭan ṭha a, Jason Roy-a'n run 64 siamin Jos Buttler (21) leh Dawid Malen (31) ten thlawp chhe lo mah se middle order an che buai. Mualneitu hian 19.2 over-ah Eoin Morgan an chan zui a, mah se chak turin run li chauh an mamawh tawh. Hasan Ali-a'n ball hnihah run li vaw chhuakin England a chakpui.

England batsman Jason Roy chu player of the match-a thlan a ni a, Three Lions player Liam Livingstone chu player of the series a thlan a ni.