Everton-ah Townsend & Begovic a chiang

Rafael Benitez chuan Everton boss a nih hnua a hmasa ber turin player a lalut a, English winger Andros Townsend leh tawnhriat nei ṭha goalkeeper Asmir Begovic te chu contract an ziahpui.

Kum 30 mi Townsend hian Crystal Palace a chhuahsan hnuah club a neih loh avangin free transfer-in Merseyside club hi a zawm a, kum hnih chhung atan contract thar hi a ziak.

Townsend hi Newcastle United-ah Benitez nen an lo inhrawn tawh a, England tana vawi 13 inlan thei winger chuan, "Everton hi club lian tak a ni a, hmun pawimawh chang turin ka ṭha tawk tih lantir ka duh a ni," a ti.

Asmir Begovic hian season hmasa kha Bournemouth tan Championship-ah a khel a, a contract a hman zawh avangin Everton hi free transfer thoin a zawm.

Kum 34 mi keeper hian kum khat atan contract a ziak a, a ṭul dan a zira kum khat dang pawhsei theih tura tih a ni - Jordan Pickford nen first choice keeper ni turin hmun an inchuh ang.